এক নজরে দেখে নিন সরস্বতী স্তুতি, পড়ুন ও পূর্ণ অর্জন করুন

অাজ সরস্বতীপূজা, কিন্তু অাপনি সরস্বতী স্তুতি জানেন না, এক নজরে দেখে নিন সরস্বতী স্তুতি।

॥ শ্রীসরস্বতীস্তুতী ॥

 

য়া কুন্দেন্দু-তুষারহার-ধবলা য়া শুভ্র-বস্ত্রাবৃতা

য়া বীণাবরদণ্ডমণ্ডিতকরা য়া শ্বেতপদ্মাসনা ।

য়া ব্রহ্মাচ্যুত-শংকর-প্রভৃতিভির্দেবৈঃ সদা পূজিতা

সা মাং পাতু সরস্বতী ভগবতী নিঃশেষজাড্যাপহা ॥ ১॥

 

দোর্ভির্যুক্তা চতুর্ভিঃ স্ফটিকমণিময়ীমক্ষমালাং দধানা

হস্তেনৈকেন পদ্মং সিতমপি চ শুকং পুস্তকং চাপরেণ ।

ভাসা কুন্দেন্দু-শংখস্ফটিকমণিনিভা ভাসমানাঽসমানা

সা মে বাগ্দেবতেয়ং নিবসতু বদনে সর্বদা সুপ্রসন্না ॥ ২॥

 

আশাসু রাশী ভবদংগবল্লি

ভাসৈব দাসীকৃত-দুগ্ধসিন্ধুম্ ।

মন্দস্মিতৈর্নিন্দিত-শারদেন্দুং

বন্দেঽরবিন্দাসন-সুন্দরি ত্বাম্ ॥ ৩॥

 

শারদা শারদাম্বোজবদনা বদনাম্বুজে ।

সর্বদা সর্বদাস্মাকং সন্নিধিং সন্নিধিং ক্রিয়াত্ ॥ ৪॥

 

সরস্বতীং চ তাং নৌমি বাগধিষ্ঠাতৃ-দেবতাম্ ।

দেবত্বং প্রতিপদ্যন্তে য়দনুগ্রহতো জনাঃ ॥ ৫॥

 

পাতু নো নিকষগ্রাবা মতিহেম্নঃ সরস্বতী ।

প্রাজ্ঞেতরপরিচ্ছেদং বচসৈব করোতি য়া ॥ ৬॥

 

শুদ্ধাং ব্রহ্মবিচারসারপরমা-মাদ্যাং জগদ্ব্যাপিনীং

বীণাপুস্তকধারিণীমভয়দাং জাড্যান্ধকারাপহাম্ ।

হস্তে স্পাটিকমালিকাং বিদধতীং পদ্মাসনে সংস্থিতাং

বন্দে তাং পরমেশ্বরীং ভগবতীং বুদ্ধিপ্রদাং শারদাম্ ॥ ৭॥

 

বীণাধরে বিপুলমংগলদানশীলে

ভক্তার্তিনাশিনি বিরিংচিহরীশবন্দ্যে ।

কীর্তিপ্রদেঽখিলমনোরথদে মহার্হে

বিদ্যাপ্রদায়িনি সরস্বতি নৌমি নিত্যম্ ॥ ৮॥

 

শ্বেতাব্জপূর্ণ-বিমলাসন-সংস্থিতে হে

শ্বেতাম্বরাবৃতমনোহরমংজুগাত্রে ।

উদ্যন্মনোজ্ঞ-সিতপংকজমংজুলাস্যে

বিদ্যাপ্রদায়িনি সরস্বতি নৌমি নিত্যম্ ॥ ৯॥

 

মাতস্ত্বদীয়-পদপংকজ-ভক্তিয়ুক্তা

য়ে ত্বাং ভজন্তি নিখিলানপরান্বিহায় ।

তে নির্জরত্বমিহ য়ান্তি কলেবরেণ

ভূবহ্নি-বায়ু-গগনাম্বু-বিনির্মিতেন ॥ ১০॥

 

মোহান্ধকার-ভরিতে হৃদয়ে মদীয়ে

মাতঃ সদৈব কুরু বাসমুদারভাবে ।

স্বীয়াখিলাবয়ব-নির্মলসুপ্রভাভিঃ

শীঘ্রং বিনাশয় মনোগতমন্ধকারম্ ॥ ১১॥

 

ব্রহ্মা জগত্ সৃজতি পালয়তীন্দিরেশঃ

শম্ভুর্বিনাশয়তি দেবি তব প্রভাবৈঃ ।

ন স্যাত্কৃপা য়দি তব প্রকটপ্রভাবে

ন স্যুঃ কথংচিদপি তে নিজকার্যদক্ষাঃ ॥ ১২॥

 

লক্ষ্মির্মেধা ধরা পুষ্টির্গৌরী তৃষ্টিঃ প্রভা ধৃতিঃ ।

এতাভিঃ পাহি তনুভিরষ্টভির্মাং সরস্বতী ॥ ১৩॥

 

সরসবত্যৈ নমো নিত্যং ভদ্রকাল্যৈ নমো নমঃ

বেদ-বেদান্ত-বেদাংগ- বিদ্যাস্থানেভ্য এব চ ॥ ১৪॥

 

সরস্বতি মহাভাগে বিদ্যে কমললোচনে ।

বিদ্যারূপে বিশালাক্ষি বিদ্যাং দেহি নমোস্তু তে ॥ ১৫॥

 

য়দক্ষর-পদভ্রষ্টং মাত্রাহীনং চ য়দ্ভবেত্ ।

তত্সর্বং ক্ষম্যতাং দেবি প্রসীদ পরমেশ্বরি ॥ ১৬॥

 

॥ ইতি শ্রীসরস্বতী স্তোত্রং সম্পূর্ণং॥

Related posts:

Leave a Reply

Your email address will not be published. Required fields are marked *